Mwanamuziki
mkongwe wa kike kutoka nchini Kenya, Amani ambaye kwa sasa anatamba
na kazi yake mpya inayokwenda kwa jina Kiboko Changu, amefafanua
kuwa, katika kipindi alichokuwa kimya kimuziki, amekuwa
akijishughulisha zaidi na shughuli za hisani, ikiwepo kuzungumza na
vijana kuwashauri na kuwapa mawazo chanya juu ya maisha hasa kutokana na historia yake na uzoefu wa utotoni.
Msanii
huyu ameweka wazi kuwa amekuwa akifanya kazi hii hasa kutokana na
historia yake alipokuwa madogo, ambapo ameweka wazi kuwa alikuwa ni
mtu aliyekuwa hajikubali kutokana na kuwa mnene kupita kiasi na
kuonewa na wengine, kitu kilichokuwa kinammaliza kisaikolojia.
Msanii
huyu ameseme kuwa, fani ya kuimba ndiyo iliyomsaidia kusimama na
kujiona kuwa yeye ni muhimu na ana nafasi katika jamii, kitu ambacho
kimemsaidia kufika hapa alipo, na ndiyo sababu ya yeye kutumia muda
wake kusaidia wengine.
